Horrela hasi zen

Haurdun nengoen eta nire bikoteak... ai nire bikotea!!! beno nire bikoteak josteko makina bat oparitu zidan. Ordurako gantxilloz egindako hainbat gauza eginak nituen, izan ere hamahiru urte nituenetik edo daramat gantxillo egiten.
Egunen batean kontatu behar dizuet zelako zailtasunak izan nituen gantxillo egiten ikasteko!!!
Hurrengo sarreretan, ez dakit zein maiztasunez, nik egindako lanak publikatzen joatea da asmoa, ahal bada patroiekin baina ez da oso normala nik ordenatutako zeozer egitea, sobrelamarcha egiten ditut gauzak orokorrean eta neurri batean ere espero dut blog hau idazteak laguntzea pixkat ordenatuago izaten.
Beraz, esandakoa gutxinaka proiektu zahar eta berriak argitaratzen joateko asmoa dut, ea nork irakurtzen duen, ea euskaraz horrelako edukien inguruan interesa dagoen, ea nor eta nola hurbiltzen den adikzioa sortzen duen mundutxo honetara.
Beranduago... agian nirekin josi modukoak antolatu litezke... batek jakin.

Hasten gara!

Zurda malecha entzuten hazi naiz txikitatik maitasunetik esan izan didate eta horrek nire nortasunean eraginik izan du. Bai ezkertiarra naiz eta beti izan ditut arazoak eguneroko hainbat elementurekin, guraizeak zirela latak irekitzekoa,... Maitasunetik jasotako izenordaina izan da eta beti egin dit grazia, izan ere beti lortu izan dut egin nahi nuena egitea.
Ezker esku honekin gantxillo egiten eta josten ere ikasi nuen, ez zailtasunik gabe... Berriro ere ezker esku madarikatu hau! Baina lortu ere lortu nuen nire baldartasunarekin batera josten ikastea, beno oihalak elkarri lotzen ikastea...

Blog honen asmoa egindako lanak bertan argitaratzea da ea norbait ere animatu egiten den eta kreatibotasunari bidea irekitzen dion. Autodidakta izaki oso iturri ezberdinetatik eskuratzen dut inspirazioa eta praktika, praktikatzen.